Эмне үчүн бизге маалыматты тастыктоо системасы керек

Порталдын иштеп келген жылдары бою бизде ар кандай компаниялардагы эмгек укуктарынын бузулушу боюнча миңдеген окуялар топтолду. Антиджоб издөө системалары тарабынан жакшы индекстелип, көп кирилет, көпчүлүк жумуш берүүчүлөр бизге жарыяланган маалыматка өтө оор кабыл алышат: аны өчүрүү үчүн миңдеген доллар сунуштап, ошондой эле милиция жана хакерлер аркылуу Антиджобду жаап салууга аракет кылышат.

Бирок биздин ийгиликтерди кара пиар менен алектенген жаман ниеттеги адамдар пайдалана баштады: жалданган кызматкер катары көрүнүп, алар Антиджобдо өз атаандаштарына каршы жалган маалымат жайгаштырып жатышканы бизге белгилүү болду. Бир ишкерди шантаждоонун да учуру белгилүү — ага төлөбөсө Антиджобдо анын беделин түшүрөбүз деп коркутушкан.

Ал эми көп кызматкер "өзүнүн" компаниясындагы мыйзамсыздык жөнүндө чындыкты болгону анонимдүү түрдө гана айтып калышы мүмкүн экенин биз түшүнөбүз — биз аларга андай мүмкүнчүлүктү берүүгө милдеттубуз. Ошондуктан биз кара тизмеге кошуу учурунда алынган маалыматты тастыктоо системасын киргизип жатабыз.

• Анонимдүү деңгээл - толугу менен анонимдүү маалымат.
• Ишенимдүү деңгээл - кызматкер бизге мобилдик телефону же электрондук почтасын калтырган. Эгер кызматкер максатына жетип, адилеттик орнотулуп, жарыяны алып салууну кааласа, ал ошол почтадан же мобилдик номерден бизге жазса болот.
• Тастыкталган деңгээл - маалымат аудио же видео жазуулар, же башка документтер менен колдоого алынган.

Баса белгилегибиз келет, Антиджобдо миңдеген компаниялар тууралуу маалымат жайгашкан. Көбүнчө биз алар жөнүндө бизге жазылган нерседен көп билбейбиз.

Ошондой эле белгилеп өтүү керек, ишенимдүү жана тастыкталган деңгээлдеги маалыматтар — анонимдүү жазууларга караганда алда канча көбүрөөк ишенимге ээ.