“სოლიდარობის ქსელი”: ინსტრუქციები დამსაქმებელთათვის

ძვირფასო ქარხნების, ჟურნალ-გაზეთების და ორთქლმავალი გემების მფლობელებო, ინდუსტრიის კაპიტნებო, ეფექტურო ინოვაციურო მენეჯერებო, ფორბსის სეიების კანდიდატებო,ასევე მტკიცე მესაკუთრეებო და მცირე ანტერპრენიუერებო!

დღეს სადად ჩაცმულ, მოკრძალებულ ადამიანთა ჯგუფი შემოვიდა თქვენს ოფისში და გადმოგცათ “სოლიდარობის ქსელის” მიერ ხელმოწერილი შეტყობინება. შეტყოინება ოფიციალურად გაფორმებულიც კი არ ყოფილა და არც ბეჭედი ქონდა დარტყმული!

ამ შეტყობინებაში გაცხადებულია რომ თანამშრომელს რომელიც კვირების წინ დაითხოვეთ და უკვე დაგავიწყდათ კიდეც, კვლავა არ მიუღია (სრული) ანაზრაურება.

რა ჯანდაბაა? Როგორ უნდა გავიგოთ ეს ყველაფერი?

1. ეს არ არის კონკურენტების მიერ მოწყობილი დადგმა, თქვენი ბიზესის მისათვისებლად. ჩვენი მოთხოვნა უნდა იყოს აღქმული პირდაპირ. ეს ზეწოლა დასრულდება მაშინვე როგორც კი დასაქმებული მიიღებს დამსახურებულ თანხას.

2. ჩვენ არ მივიღებთ ფულს თქვენგან; პრინციპში, ჩვენ არავინ გვიხდის ფულს. დიახ ჩვენ “იდეოლოგია” გვამოძრავებს. ჩვენ ვართ ანარქისტები — სოციალური თანასწორობის და საზოგადოებრივი თვით-ორგანიზების ადვოკატები.

   ხელფასზე დამოკიდებულ დასაქმებულთა თვითორგანიზება რათა მათ თავის ინტერესბის დაცვა შეძლონ, ჩვენი ხედვით, აძლევს საზოგადოებას ისეთ ძალას რომლიც ჩვენი იდეების ხორცშესხმას უწყობს ხელს

3. დასაქმებული რომლისთვისაც არ მიუციათ ანაზღაურება და ჩვენ მოგვმართა არის ის, რის გამოც ჩვენ განვიხილავთ თქვენ ბიზნესს პეტრე კროპოტკინის და მიხაილ ბაკუნინის ჩანაწერების ჭრილში.

4. ჩვენ არ ვარღვევთ სისხლის სამართის კოდექსს, თუმცა გვაქვს უამრავი გზა ვანდალიზმის და თავდასხმის გარეშე დაგაზიანოთ. ჩვენ შევკრებთ ინფორმაციას თქვენი ბიზნესის შესახებ და გამოვაქვეყნებთ თქვენთვის არასასიამოვნო დეტალებს. თქვენი კლიენტები და პარტნიორები თქვენს შესახებ ნეგატიური ინფორმაციის მატარებელ ზარებს და შეტყობინებეს მიიღებენ. ჩვენი საიტი Antijob.net არის კარგად გაპიარებული — თვეში მილიონამდე მონახულებით —  და ნებისმიერი ინფორმაცია რაც თქვენს შესახებ დაიპოსტება Google-ის და Yandex-ის ძებნის შედეგების თავში იქნება. ასე რომ თქვენი ოფისების, საწარომების და დაწესებულებების წინ ხშირად იქნება პიკეტირებები, ფლაერების გავრცელება და ბანერები. თქვენი ბიზნესის პრობლემები შესაძლოა ჟურნალისტების ინტერესის ობიექტი გახდეს. მოსალოდნელია რომ თქვენ თანამშრომლებს გაფიცვის ორგანიზებაშიც მივეხმაროთ.

5. ჩვენ არ ვერთვებით სასამართლო გარჩევებში, თუმცა შეიძლება კონსულტაცია გავუწიოთ დასაქმებულებს რომლებიც მოგვმართავენ საჩივრით დავურჩიოთ როგორ მოიქცნენ მეტი ეფექტურობისთვის.

6. შეგიძლია “კაცურად მოიქცე”, “მყარად დადგე” და არ გადაუხადო თანამშრომელს ხელფასი. მაგრამ, გადამწვარი ნერვები, კომპანიის საქმიანობაში არაორგანიზებულობა, პრობლემები კლიენტებთან და პარტნიორებთან, ეს ყველაფერი შეიძლება უფრო ძვირი დაგიჯდეს ვიდრე სამსახურიდან გაშვებულ თანამშრომელს დააწერე.

7. ჩვენ უპირველეს ყოვლის დასაქმებულის მხარეს ვართ, არა დამსაქმებლის. მაგრამ რა თქმა უნდა, ვერ ვიტყვით რომ შემთხვევების 100% ში თანამშრომელი რომელმაც ჩვენ მოგვმართა მარათალი აღმოჩნდა, შენ კი არა. ასეთ შემთხვევაში წარმოგვიდგინე მტკიცებულება, თანამშრომელთან კონფლიქტის შენი ვერსია და შენი ფინანსური კეთილსინდისიერების დასტური. “სოლიდარობის ქსელის’’ შეტყობინების უგულბებელყოფა ჩვენ გულს გვტკენს. ჩვენ დაჟინებული ხალხი ვართ და წყენას არ ვივიწყებთ. საკმარისად ჯიუტები ვართ და შეგვიძლია ბიზნესი მრავალი თვის განმავლობაში ავაწიოკოთ.

საუკეთესო პროლეტალური სურვილებით

“სოლიდარობის ქსელი”